مش عارفه هاتصدق ولا لأ لو قلتلك اني بقيت مزعلش على حاجة .. مبقيتش اكره الذكريات الوحشة . . بقيت بحب الفارسي وبحب سامي يوسف وبحب الانشوده الجديده بتاعته رغم انها بتفكرني بأيام كده ..
أنا بقيت احسن , بطلت أبكي كتير وبطلت أحلم كتير برضه . . مبقيتش ازعل على الأمل اللي بيضيع والفرص المهمه . . بقيت جامدة من جوايا .. في جليد على قلبي حطيته عشان يمنع تسرب الألم . .
كل ما بسمع Save what’s left of me بتخيل صورتك
بس عادي أصلا .. مش بحس بزعل ولا بحس بوحشة مثلا ولا بحس حتى بعدم رضــا ..
كل اللي بيحصل اني بفتكر صورتك .. بتخرج من ألبوم الصور اللي في عقلي .. وكأنك مُرفق بالأنشوده مش أكتر
ومضطرة اشوفك كل ما اسمعها .. مبسوطة على فكرة لأنك حد جميل أصلا ومش بنزعج منك لما بتيجي على صوت سامي يوسف :))
هييييه ( تنهيده ) .. مش عارفه ليه حتى بكتبلك وليه أصلا فاكرة حتى اسمك , بس اهو شكلي هاكتب عنك كل ما اسمعها ..
وعلى فكرة مش هابطل اسمع النشيد اللي بحبه لمجرد انه بيفكرني بيك . . انا متمسكه بحقي في النشيد ده , انا هاسمعه وياريت انت مش تنط في عقلي كده من غير استئذان .. عشان بتخض :D
بالمناسبه . . نعم . . ملتفت لا يصل :)
*ملاحظه أخيره : اقرأها وانت بتسمع النشيد https://soundcloud.com/mahdy-1/dryer-land-sami-yusuf-ustadh
